സമൂഹത്തിലെ ദുർബല വിഭാഗത്തിന് പരിചരണവും സംരക്ഷണവും നൽകുക എന്നതാണ് പദ്ധതിയുടെ പ്രധാന ലക്ഷ്യം.. മാസത്തിൽ ഒരു തവണയെങ്കിലും ഡയാലിസിസ് ചെയ്യുന്ന ബിപി‌എൽ കുടുംബങ്ങളിലെ വൃക്ക രോഗികൾക്കായാണ് ഈ പദ്ധതി.. പ്രതിമാസം 1100 രൂപയാണ് സഹായം.. മറ്റേതെങ്കിലും സർക്കാർ ധനസഹായം ലഭിക്കുന്നവർക്കും ഈ സ്കീമിന് അർഹതയുണ്ട്..
● യോഗ്യതാ മാനദണ്ഡം:-
1. രോഗി ഒരു ബിപി‌എൽ (ദാരിദ്ര്യരേഖയ്ക്ക് താഴെ) കുടുംബത്തിൽ നിന്നായിരിക്കണം..
2. അപേക്ഷകൻ ദേശസാൽകൃത ബാങ്ക് അക്കൗണ്ട് ഉടമയായിരിക്കണം..
● ആവശ്യമായ രേഖകൾ:-
ആധാർ ബന്ധിപ്പിച്ചിട്ടുള്ള ബാങ്ക് പാസ്സ്ബുക്കിന്റെയും റേഷൻകാർഡിന്റെയും ആധാറിന്റെയും വ്യക്തമായി സാക്ഷ്യപ്പെടുത്തിയ പകർപ്പും, മേൽവിലാസവും ഫോൺനമ്പറും ഉൾപ്പെടെയുള്ള ലൈഫ് സർട്ടിഫിക്കറ്റും
● അപേക്ഷാ ഫോറം:-
ഐസിഡിഎസ് പ്രോജക്ട് ഓഫീസ് / പഞ്ചായത്ത് ഓഫീസുകൾ / കോർപ്പറേഷൻ / മുനിസിപ്പൽ ഓഫീസുകൾ / അംഗൻവാടി തൊഴിലാളികൾ / കെഎസ്എസ്എം വെബ്സൈറ്റ് / കെഎസ്എസ്എം ഓഫീസ് എന്നിവിടങ്ങളിൽ അപേക്ഷാ ഫോം ലഭ്യമാണ്..
● അപേക്ഷിക്കേണ്ട വിധം:-
പൂരിപ്പിച്ച അപേക്ഷാ ഫോറവും സാക്ഷ്യപ്പെടുത്തിയ മറ്റ് അനുബന്ധ രേഖകളും ഐസിഡിഎസ് പ്രോജക്ട് ഓഫീസർമാർക്ക് സമർപ്പിക്കുക..
സ്കീം വിശദാംശങ്ങളുമായി സംശയ നിവാരണത്തിന് താഴെ കൊടുത്തിരിക്കുന്ന ടോൾഫ്രീ നമ്പറിൽ ബന്ധപ്പെടുക..
1800 120 1001
0 Comments